منتدى مملكة الابداع
مرحبا بك عزيتي الزائره يشرفنا تسجيلك
في منتدى
مملكة الابداع
اذا كنتي مبدعه
سجلي دخولك
واذا كنتي تريدين تكوني مبدعه جديده تفضلي بالتسجيل
الاداره

تعالوا شوفو تجربتي للتخلص من التشققات البيضاء؟؟

استعرض الموضوع السابق استعرض الموضوع التالي اذهب الى الأسفل

تعالوا شوفو تجربتي للتخلص من التشققات البيضاء؟؟

مُساهمة من طرف Remo في الجمعة يناير 28, 2011 2:46 pm


بسم الله الرحمن الرحيم

السلام عليكم حبايبي تجربتي

لحل مشكلة التشققات وازالتها خير شر ومابي البنات يتعقدون منها و بالتفصيل الممل

وانا راح اسهل الموضوع عشان الكل يستفيد! ولاتحاتون ولا تتضايقون باذن الله راح تروح التشققات

والخطوط وتصير ذكرى ومن الماضي

بس في البداية ابي اشرح عن الخطوط البيضا وهذا شكلها



ابيكم مركزين معاي !!

الخطوط البيضا عباره عن جلد "متمزق" جرح في الجلد والتأم وصار ابيض

الدكاتره يقولون مافي شي يوخره ومستحيل يروح ممكن انه يخف ويعالجونه بالليزر بس هم ماكو فايده!

انا مع كلامهم وصحيح ان الخطوط البيضا ما تروح

بس الخطوط الحمرا واليديده تروح وتتعالج 100% يعني خلاااص مافي امل انها تروح

بس في طريقة تخليها تروح !! شنو الطريقه؟

لازم نخلي الخطوط البيضا تصير حمرا .. يعني لازم نخليها تصير حمرا واذا صارت حمرا يعني راح تروح وتتعالج.

شنو الطريقه الي لازم نسويها؟ عشان نحولها من بيضا لي حمرا؟

نستعمل جهاز مساج راسه مدبب وفيه دبابيس! عشان نعور الخطوط البيضا ويدخل الدم "بالخطوط البيضا"

وجذي راح يصير لونها احمر والدم راح يغذي هذا الجرح ويمشي فيه ويصير حار!!

وبعدين راح نعالج هالخط الاحمر بكريم يعالج التشققات ونرطب المنطقة 3 مرات !!

المهم الحين راح نبتدي المعركه ( ييبوا ورقه وقلم وسجلو الي راح اقوله )

( الطريقه الوحيده والفعاله للقضاء على التشققات 100% وهذي تجربتي الشخصية والي سويتها )

الاغراض المطلوبه: ( الاغراض المطلوبه لازم تتوفر كلها وما تحذفين شي منها لانها مهمه!!!)
1- جهاز مساج راسه مدبب وفيه دبابيس ناعمه نفس هذا

وهذي صورة جهازي وهذا الراس المدبب الي استعمله عشان اخليها تصير حمرا

(موجود بستي سنتر الشويخ)
2- جهاز مساج بالاشعة الحمرا ( الاشعه تعالج التشققات وتنشط الدوره الدمويه بالمكان الي نعالجه وهذا مهم عشان يتدفق الدم وتشير التشققات حمرا عشان نعالجها لان قلنا البيضه ما تتعالج! )
وهذي صورته

(موجود بالكترونيات الغانم سعره 14 ونص اخر الشهر بيصير سعره 18 او 20 لما يخلص عرضهم )

3- كريم الزبده السحرية - مصحح عيوب البشره وهذي صورته

( موجود عند التاجره Miss b.k وسعره 6 دنانير وهذا الي راح نعالج فيه التشققات والخطوط
فيه فيتامينات وكولاجين واعشاب وزبدة الشيا والكاكاو وخلطة سرية للعلاج ماعرفها )

4- كريم بالمرز زبدة الكاكاو وهذي صورته

(موجود في اغلب الجمعيات ومركز سلطان وستي سنتر وكارفور وسعره مو تقريبا 2.700 وراح نستعمله حق الترطيب طول اليوم وبعد الشاور غني بفيتامين e وزبدة الكاكاو اعتبره اقوى مرطب ويحته وايد حلوه وتمتصه البشره ومفيد للبشرة الجافه )

بنات سمعو كلامي وطبقوا الي قلتلكم عليه والله راح تنسون ان كان عندكم تشققات
هالاربع شغلات لازم توفرونها ويبيلكم التزام ومواضبة ولازم تتعبون على نفسكم
التشققات تقلل من جاذبية الوحده والرياييل ما يحبونها ويتلوعون!!

اذا التزمتوا بالخطوات وسويتوا الي اقولكم عليه باذن الواحد الاحد تروح 100%
وتصير بشرتكم ناعمه وحريريه ومافيها اي تشققات ولا خطوط!!

الحين الخطوات و "جلسة العلاج" ( ركزوا معاي حبايبي )

1- راح نستعمل جهاز المساج الي فيه راس مدبب ( وملاحظه بعد كل استعمال تغسلون الراس عدل وتعقمونه بالديتول )
تدهنين التشققات بالزبده السحرية و تفركين الخطوط بالجهاز وتخلينه على اسرع شي وتحركينه من تحت لي فوق ليمن تصير التشققات حاره وحمرا!

2- بعد ما تخلصين من الجهاز المدبب تسوين مساج بايدينج الثنتين حق التشققات وتمشين فيهم الدم وتضغطين عليهم.

3- تستعملين جهاز المساج بالاشعه تحت الحمرا وبسرعه متوسطه وبحركه دائرية وتخلين الليت الاحمر على التشققات.

4- بعد ما تخلصين راح تلاحظين ان الجلد امتص الزبده السحريه , والحين دور الترطيب
وتحطين زبدة البالمرز وترطبين المنطقة .

الحين خلصنا الجلسه الاولى... والجلسه الثانيه نسويها " لما نشوف ان الحَماَر راح ثاني يوم او ثالث يوم"

بهالحاله نقدر نسوي الجلسه الثانيه ومن بعدها الثالثه... ونكرر الجلسات ونعالجها بالزبده السحرية ونرطبها بالبالمرز
طبعا كل وحده فينا تختلف طبيعة جسمها واستجابتها للعلاج بس باسوء الاحوال 4 اشهر
وممكن من اول شهر اذا كانت الخطوط يديده...

الخطوات باختصار:
1- نسوي مساج بالجهاز المدبب مع الزبده السحريه
2-مساج بجهاز الاشعة الحمرا
3-نرطب المنطقة بكريم بالمرز
4-نكرر الجلسه بعد وقت مناسب

وهذي اشياء لازم تسوينها كل يوم عشان تساعدج:

1- تكثرين من شرب الماي
2-تاخذين حبوب فيتامينات وتنبهين لأكلج
3-الترطيب الدائم بكريم بالمرز للمنطقة


وباذن الله راح تروح 100% وراح تدعولي والله يوفقكم يا بعد قلبي

مابي منكم غير الدعاء واتمنى من الادارة تثبت الموضوع عشان الكل يستفيد ومحد يفقد الامل
ونبي الموضوع دائما مرفوع ونبي ردود .. فديتكم يا قلبي

Remo
عضو جديد


عدد المساهمات: 3
تاريخ التسجيل: 28/01/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعالوا شوفو تجربتي للتخلص من التشققات البيضاء؟؟

مُساهمة من طرف ملاك الروح في السبت يناير 29, 2011 3:27 pm

عزيزتي العضوه Remoموضوع رائع
ومفيد للبنات
جزاك الله خيرا
سيعلن مشرفة قسم اسرار بنات
يوم الخميس باذن الله

ملاك الروح
مديرة المنتدى


عدد المساهمات: 18
تاريخ التسجيل: 21/01/2011

معاينة صفحة البيانات الشخصي للعضو http://montada1212.forumarabia.com

الرجوع الى أعلى الصفحة اذهب الى الأسفل

رد: تعالوا شوفو تجربتي للتخلص من التشققات البيضاء؟؟

مُساهمة من طرف دانه بعين بحاري في الإثنين فبراير 21, 2011 4:34 pm

يسلموووو حبي

دانه بعين بحاري
عضو جديد

عدد المساهمات: 1
تاريخ التسجيل: 22/01/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى